VISITE È GUIDE INTERPRETE
Venite di scalà cù e vostre valisge per qualchì ghjornu di vacanze propriu meritate o per un sughjornu prufeziunale, è vi vene un attichju solu : scopre à Bastia è i paesi di u so circondu.
Vi prupone l’uffiziu di u turisimu di Bastia una selezzione di visite in escursione mentre e quale vi seranu prisentate a storia, e tradizione è l’identità di stu territoriu liatu cun affettu à e so radiche è e so specificità.
Per una immersione in core di l’anima corsa, un viaghju inde u passatu di a cità, inde e so legende è e so credenze, lasciate vi puru imbarcà da e so « Legendine », una visita insolita fatta di stalvatoghji in giru à Bastia, messa in ballu da l’uffiziu di u turisimu.
Più chè una visita, vi hè rigalatu un invitu in core di l’anima corsa, ogni marti di aprile à ottobre, partendu da a piazza San Niculà per scopre i lochi insoliti di Bastia attraversu à e so legende è e so tradizione. Mettenu à palesu ste sturiette i sicreti di u spiritu corsu, u fastu di e so tradizione religiose, i so incantesimi, i so lochi di miraculi à spessu scunnisciuti, chì vi seranu conti da una guida cunferenzera.
Lascite culturale è testimonii di primura di’sse tradizione priservate, vi purteranu i canti pulifonichi sacri in core di stu viaghju inde u passatu di a cità.
Vulete scopre i lochi turistichi più famosi di a cità ma vi ferma pocu tempu ? Pruvate puru a visita tradiziunale di a cità cù u trinnichellu. Fate vi un giru cù Michè, u vitturinu, è una guida chì vi hà da accumpagnà da a Piazza San Niculà fin’à a Citadella, passendu per i carrughji di a vechja cità. Una visita d’incantu per e famiglie è e ghjente chì anu e difficultà per move s