ARTISGIANATU È RICORDI
Sunniate ancu voi di fà durà torna appena e vostre vacanze in Corsica... ma un ghjornu o l’altru si compie ogni stonda di piacè. Per tene i ricordi di u vostru viaghju è sparte li cù a vostra famiglia, i vostri amichi è i vostri culleghi, pudete sceglie frà unepoche d'idee di rigali pruposte inde e butteghe di Bastia.
Da a buttega di ricordi chì prupone e magliette, e berette, i chjavitteri, a robba di tavulinu, e magnete è l’altri prudutti chì portanu a stampa di a Corsica o a famosa testa mora. À l’attelli è concept store induv’elle sò prisentate e pezze uriginale è certe volte uniche fatte da l’artisti è da i creatori isulani : ghjuvelli, curallu, petre preziose, ochju di Santa Lucia, sacchi, ogetti di decurazione di legnu gallighjatu, terrame, vitrame, sentori, lumini prufumati, panni.
Ùn ci hè da penserà chì truverete u rigalu ideale per tutti i vostri. Mentre a vostra bundulera in u centru cità, pigliate u tempu di francà e porte di ste piccule butteghe chì prisentanu tanti prudutti artisgianali, tanti ricordi scherzosi è tante creazione uriginale fatte è imaginate da l’artisgiani isulani
Si aprenu e butteghe è l’attelli nantu à un universu di bellezza è di benestà prufumatu cù i sentori di a Corsica. I prudutti pruposti sò tante spressione di a creatività di l’artisti è di l’artisgiani corsi, chì mettenu à l’onore l’artisgianatu lucale sottu à ogni forma : vitreria di arte, cultelleria, liuteria, terrame tradiziunale…
Sò vitrine di prima trinca per issi artisgiani è u so sapè fà chì anu fattu di a qualità è di a singularità e so parolle maestre.