A CAPPELLA DI A SCALA SANTA
Inde l’oratoriu di Munserrà, inciuttulata in core di a campagna bastiaccia, duv’ellu si ghjunghje à pedi in 20 minuti da u centru cità, ci si trova una scarsissima Scala Santa.
Solu i lochi più distinti di a Cristianità anu issa marca di privileghju. Hè stata data à i Bastiacci da u papa Piu VII per ringrazià li di l’accolta calurosa ch’elli anu fattu à 424 prelati rumani esiliati in Bastia per avè vulsutu oppone si à Napuleone 1u. Segondu a tradizione, i fideli chì a collanu in dinochje, in un veru spiritu di cuntrizzione, sò pardunati di ogni peccatu.
Inde l’oratoriu imbellitu à a moda barocca, fora di a magnifica Scala Santa cuperta di villutu è di legnu innuratu, si pò vede una bella statula di marmaru di a Madonna cù u Bambinu, di u 1637.
DETAGLI
- A Scala Santa
- A statula di marmaru di a Madonna cù u Bambinu