A CATEDRALE DI SANTA MARIA

Sta opera di arte, ch’ellu si pò ammirà inde una nichjula à parte dritta, quand’ellu si entre in lu santuariu, hè purtata in prucessiò ogni 15 di agostu inde i carrughji di a cità. U decoru uriginale, arricchitu assai à u XIXmu seculu, hè una maraviglia di ricchezze. Pitture di maestri, statule di marmaru è di legnu pulicroma, marmari è stucchi adornanu l’antica catedrale, un veru ghjuvellu inchjuvatu in core di a Citadella. Rimarcarete, appesi di manera strana, i cappelli di cerimonia di i veschi interrati inde a critta di u santuariu. Fate casu à a statula maiò di l’Assunta di a Vergine (XIXmu seculu) posta in cima di l’altare maiò, questa misura 2 metri è 60 di altu è hè fatta di carta pesta !