A CHJESA DI SAN GHJUVÀ

A chjesa San Ghjuvanni Battista, a più ampia di Corsica, hè stata custruita trà u 1636 è u 1666. I campanili di a facciata funu aghjunti à trichera à u XIXu seculu.

L’interiore di u santuariu hè adurnatu da parechje opere di arte, ammintemu per indettu u tabernaculu di argentu di l’altare maiò, intagliatu à u XIXu seculu da l’orefice di Sienna Gaetano Macchi. Si rimarcherà dinù, da sopra à a statula di marmaru di San Ghjuvanni Battista (XVIIIu seculu), un gruppu di stuccu, propriu stupente, figurendu a Circuncisione di Cristu. L’impunente tribuna d’organu in forma di « nidu di rundinella », di u 1742, hè adurnata da trè quadri chì raprisentanu scene di a vita di San Ghjuvanni Battista. A festa di a San Ghjuvanni hè assuciata à u sulstiziu d’estate è celebrata cù un faloru, risurgenza di a so origine pagana. In Bastia, a sera di u 23 di ghjugnu, un fucarè tamantu hè accesu da sottu à i rampali di a Citadella in tagliu di u bacinu di u Vechju Portu. Durante issa festa, u focu vene assuciatu à u ritu di u primu bagnu di l’annata chì in stu ghjornu quì avia virtù regeneratrici.

DETAGLI

DA VEDE / DA FÀ