L’ALDILONDA, TALE UN OCHJU LAMPATU NANTU À U MARE

Dipoi a so inaugurazione di decembre 2020, hè impussìbule di visità Bastia senza piglià l’Aldilonda, veru balcone chì vi s’offre una spassighjata per sopr’à l’onde, di una bellezza à taglià fiatu.

Per andacci, francherete u Vechju Portu (A Marina) è u so decoru di cartulina. Longu à u tragone è U Mughjò, scuprerete un assestu stupente fattu à fiancu di scugliale, trà di i rampali di a Citatella è u Mare Tirreniu chì si perde inde l’orizonte.

Piace à l’amatori di pesca di ritruvassi nantu à i scogli per a so attività prediletta ind’un quatru eccezziunale. Prestu scelta da i Bastiacci, issa via dolce chì face cullegà u centru stòricu di Bastia è A Rinella hè affullata assai da i spassighjadori è curridori.

Solu, in famiglia o trà di amichi, l’Aldilonda hè a posta scelta per principià a so ghjurnata smaravigliendusi di i primi ragi di sole nantu à u Tirreniu. L’appassiunati di fotografia ci truveranu dinù u soiu à colpi di ritratti è selfies in cerca di un ritrattu perfettu.

DI PIÙ INFURMAZIONE

À VEDE / À FÀ

  • Vechju Portu
  • Citatella
  • A Rinella
  • Centru stòricu

PRÀTICU

Aghja di cansa di A Rinella

Adresse

Place Saint-Nicolas

 20200 Bastia