U CARRUGHJU NAPULIÒ

In issu carrughju cummerciante, intighjatu cù petre di Brandu, ci pudete vede dui edifizii religiosi assignalati : l’oratoriu di a cunfraterna di San Roccu è l’oratoriu di l’Immaculata Cuncezzione chì u so sacratu hè adurnatu da un musaicu di cotule.

Vi piglia a voglia di fà duie spese ? Ùn sarà sfaticata a scelta… di fatti, in issu carrughju pedunale sò numerose assai e butteghe à a moda, ci truvarete dinù attelli di creatori, buttegucce anziane, magazini di « souvenirs », butteghe di prudutti regiunali, ghjacciaghji è osterie chì danu à issu locu un carattere accugliente è allegru, ci si passeghjanu cù piacè Bastiacci è turisti.

Arruchjendu per u carrughju San Roccu o u carrughju Faggianelli, picculi carrughji traversi è pedunali, puderete ghjunghje in piazza à u mercà induv’ella hè innalzata a chjesa di San Ghjuvà ; invece chì s’è vo seguitate u carrughju Napuliò finu à u carrughju di E Terrazze sbuccarete in u Vechju Portu, unu di quartieri più caratteristichi è originali di a cità.