I PAESI BALCONI

Basta à ammintà issi paesi da sculinà ciò ch’ella era a vita campagnola corsa di tandu. U sguardu voltu l’arcipelagu tuscanu, issi cinque paesi tipichi cù u so abitatu tradiziunale avvinghjenu u retrurughjone bastiacciu. Ingutuppati da una natura prutetta, cù i so lavatoghji, i so forni è e so funtane vechje chì e strette chjappellate di petre di u lucale ascondenu, issi santuarii rumanichi è barocchi sò veri testimoni di un passatu firmatu vivu è ch’ellu vi tocca à scopre à e porte di Bastia.

Supranendu a cità, issi paesi danu à u retrurughjone bastiacciu u so carattere propriu particulare. Terrazzati nantu à e culline, trà mare è monti, i paesi di Cardu, di Santa Maria di Lota, di San Martinu di Lota, di E Ville di Petrabugnu è di Furiani per via di u so abitatu tradiziunale spechjanu ciò ch’ellu era u mondu campagnolu corsu di tandu.

Passighjendu per e strette chjappellate chì serpighjeghjanu trà i forni, i lavatoghji, e funtane è i fragni di prima, ci scopre quellu chì vene à visità issi lochi pezzi di a vita campagnola corsa di tandu. Daretu e facciate chì parenu cumune è roze una cria sò nascosti tesori magnifichi : omu avventa i paisoli frà i castagni è a machja odurosa, spargugliati per a furesta di a Pieve di Lota è à mezu à terrazze cultivate.

U scorre di u tempu ùn hà mutatu u carattere prufondu di’ssi lochi. Issi paesi balconi tipichi ascondenu un patrimoniu riccu, chjese barocche è oratorii di stile rumanicu, i puderete scopre passighjendu per i chjassi indittati chì tessenu a leia storica trà piaghja, cità è muntagna. Quelli chì sò appassiunati di natura, seguitendu issi viottuli, anderanu finu à l’anziane nivere di Cardu è ghjunti nantu à e punte apprufitteranu di viste panoramiche bellissime di Bastia.

Sò lochi chì anu tenutu a stampa di a storia, à chì vene à visità li pare ch’ellu viaghji à l’arritrosa ciuttendu in un tempu chì hà fattu a ricchezza di’ssu territoriu è chì ne dice tantu è più nantu à quelli chì ci campanu. Ùn tricate micca è avvicinate vi puru à issa Corsica sputica, in core di i paesi.

Scopre
SAN MARTINU DI LOTA
Spargugliatu per i licceti capicursini, si arremba u paese di San Martinu di Lota à i cuntraforti trà mare è...
Voir
CARDU
Inalpellatu à nantu à una tozza chì strapiomba l’alture di Bastia, u paese di Cardu vi porghje ogni particulare di...
Voir
FURIANI
À e porte di Bastia, u paese medievale di Furiani pare di stà si ne fermu di pettu à l’isula...
Voir
E VILLE DI PETRABUGNU
Arrimbata à a cresta mediana di u Capicorsu, hè cumposta a cumuna di E Ville di Petrabugnu di quattru paisoli...
Voir
SANTA MARIA DI LOTA
Da u paisolu di Mandriale, in cima di a cumuna, vene terrazzatu u paese di Santa Maria di Lota nantu...
Voir