OSTERIE È BRASSERIE

Una serata allenata inde una osteria di u quartieru allegru di u Mercatu, un bellu tavulinu nantu à u Vechju Portu è inde i stabilimenti distinti di a cità… riesce u Circondu Bastiacciu à accuppià a gastrunumia, l’inventività è a tipicità

Ghjuvendu si di prudutti di un rughjone distintu chì li arreca tanti savori incantati, ùn conta mancu più a regione di Bastia e so spezialità culinarie ricacciate da a tradizione è di u so territoriu. Ci si buscanu i prudutti frà i più famosi di l’isula chì si ritrovanu inde i piatti di e so osterie. È ùn serà mancu appena un azardu s’ellu conta u Circondu Bastiacciu cinque maestri risturadori nantu à i dece distinti inde u dipartimentu di u Cismonte.

In pochi anni, sò riesciuti parechji stabilimenti à buscà si i favori di e bibbie di a gastrunumia francese. Anu trovu certi una piazza chì ùn li si pò cuntrastà inde u famosu Guide Michelin chì hà fattu luce parechje stelle inde u celu di u Circondu Bastiacciu, quandu chì altri sò distinti di modu regulare per via di l’inventività di a so carta chì porta a stampa di a gastrunumia corsa è di i sapè fà lucali è sputichi di u rughjone

Una tradizione culinaria ricca chì nutrisce à spessu i stabilimenti cù una cucina famigliale, casana, di stagione, induve l’accolta si farà cù u surrisu è a simpatia da fà vi sparte, al di là di a so cucina, un pezzatellu di Corsica.