Traditions religieuses

Trier par :

Fête de la Saint Joseph - Mars
Festa di a San Ghiseppu – marzu

Sta festa piglia un'impurtanza particulare in Bastia chì San Ghjisè n'hè unu di i so santi patroni. Ogni 19 di marzu, i Bastiacci venenu à unurà u so santu patrone, purtendu a so statula in prucessione fin'à a catedrale Santa Maria. Sta visita di San Ghjiseppu à a so sposa a Vergine Maria hè l'uccasione di assaghjà i tradiziunali è bunissimi « panzarotti » (frittelle di risu o di farina di ceci) è di spassighjà in tuttu u carrughju.


Semaine Sainte - Avril
A Settimana santa – aprile

In Bastia, a Settimana santa hè marcata da parechje festività è cummemurazione di a Passione è di a Resurrezzione di u Cristu. Stu tempu forte di a manifestazione di l'anima corsa, da a dumenica di e Palme, cù e tradiziunale palme intrecciate fin'à u ghjovi è vennari santu cù e so cummuvente ceremonie seculare, hè campatu in Bastia in modu propiu intensu.


Procession Christ Noir - Mai
Prucessiò di u Cristu Neru – maghju

Ogni trè di maghju, i Bastiacci venenu à unurà u Cristu Neru di i miraculi. Stu crucifissu, trovu in mare in lu 1428, stà in u bellissimu oratoriu di a Santa Croce in a citadella di Bastia. Una prucessione, chì adunisce pescadori, cunfratelli è fideli, và fin'à u vechju portu induv'ella si face a tradiziunale « benedizzione di u mare ».


Fête de Saint Antoine - Juin
Festa di Sant'Antone – ghjugnu

Altru patrone di Bastia, Sant'Antone hè festighjatu in pompa magna à u cunventu di u XVIu seculu mentre sta ghjurnata si succedenu messe, prucessione è chermesse.


Fête de la Saint Jean Baptiste - Juin
Festa di a San Ghjuvan'Battista – ghjugnu

A festa principia a sera cù u tradiziunale « fugarè » (u focu di a San Ghjuvà), tamantu fucone accesu in a cala di u Vechju Portu, à u pede di i muraglioni di a Citadella. U lindumane, a festa religiosa seguiteghja a festa prufana in a più grande chjesa di Corsica, induv'elle si succedenu prucessione è messe fin'à a sera.


Assomption de la Vierge Marie - Août
Assunta di a Vergine Maria – aostu

15 d'aostu : Pussede un'impunente è superba statula prucessiunale sana sana d'argentu in a so catedrale, inurgulisce à Bastia. Stu gruppu, chì pesa una meza tunnillata, hè surtitu in pompa magna à traversu i carrughji di a vechja cità mentre a prucessione annuale.


Fête de la Saint Roch - Août
Festa di San Roccu – aostu

Ogni 16 d'aostu, in u picculu oratoriu dedicatu à San Roccu, carrughju Napuleò, à l'esciuta di a messa, s'assiste à a benedizzione è a a distribuzione di i panucci. Sti pani benedetti sò, di modu tradiziunale, considerati cum'è una prutezzione contru à l'epidemie è u fulmine.


Suivez-nous


Logo Office de tourisme de bastia Logo Cap corse Logo Qualité Tourisme Logo CTC Logo ATC

Newsletter

Office de Tourisme BASTIA Place Saint Nicolas 20200 Bastia 04 95 54 20 40
Fax : 04 95 54 20 41
Mail : ot-bastia@wanadoo.fr
Réalisation Corsicaweb | Crédits photos | Mentions légales
En poursuivant votre navigation sur ce site, vous acceptez l’utilisation de cookies pour vous proposer des services et offres adaptés à vos centres d’intérêts.FERMER  x